Perditësimi i fundit August 10th, 2023 9:08 AM
Kryeqyteti ka nevojë për nji Xhami të madhe e moderne (artikull i vitit 1938)
Me rasën e shum cermonijave të ndryshme âsht konstatue se Xhamija e Vjetër e Sulejman Pashës âsht tepër e vogël dhe s’mundet me i u përgjojë mâ nevojës së kohës.
Mungesa e nji salloni të gjanë në kryeqytet ka dhânë shkak qi shumica e popullit të mbetet pa marrë pjesë në shumë ceremoni e lutje të kryeme ndër festa fetare e kombëtare.
Populli âsht tepër sensibël shpirtnisht dhe e q quën vehten shum fatkeqe kur s’gjen vend në tempullin e shenjtë ku don me krye të luturat e me e kënaqë ndërgjegjen e tij, sidomos të luturat e rralla qi me mëzi i pret.
Mungesa e nji tempulli të favorshëm, mungesa e nji lokali të madh e të përshtatun me numrin e madh të popullit qi ka sot kryeqyteti, mungesa e nji faltoreje qi t’a përmbledhe e t’a kënaqe të tanë até publik që dëshiron me marrë pjesë ndër të lutuna, mungesa e nji të tillë ndertese sot âsht konstatue e vërtetue dhe nuk mund të kundreshtohet.
Prandaj e shohim qi ka ardhë koha me e parashtrue ketë problem për t’u bisedue e për t’u rafë mendimet.
*
* *
Në vitet e fundit në Tiranë janë ndërtue disa Xhamija të reja, por, si xhamia lagjesh, u bânë shum të vogla. Pra nuk na hyjnë në punë për ceremoní të mëdha e të përbashkëta, të cilat mund të kryhen vetëm nëpër Xhamija të mëdha e qëndrore.
*
* *
Si mund të ndërtohet nji Xhami e Madhe në Kryeqytet?
Nji punë e tillë me të vërtetë âsht e vështirë por jo e pa realizueshme, Nji vepër kaqë kolosale mund të kushtoje má tepër se 200 ose 300 mij frank ar. Nji shpenzimit kaqë të madh sot për sot âsht e pamundur qi t’i bâjë ballë Arka e Përgjitheshme e Vakfeve. Prandaj këjo punë mund të kryhet me ndihmat e popullit bâmirës.
Po të ketë dëshirë e vullnet, vepra mund të realizohet me pak sakrifica të bâme prej disa vetësh.
Nji grup i vogël i bujarëve të Kryeqytetit duhet t’a marrin nisjativën e kësaj vepre qi i shërben nji qëllimit shum të shenjtë e të naltë.[1]
Artikuj të ngjashëm
Me shumë në këtë kategori
Aktivitete
Studime
Gjuhë-letërsi
Sociologji
1923 – 1939
1939 – 1945
Zani i Naltë (35)
