Perditësimi i fundit November 22nd, 2022 10:09 AM
KMSH-Universiteti Bedër seminar “Dialogu Ndërfetar në Islam dhe tek shqiptarët”
Komuniteti Mysliman i Shqipërisë në bashkëpunim me Universitetin Bedër, Qendra e Studimeve Islame, ka organizuar paraditen e së martës, dt. 15 prill 2014 një seminar me studentët e departamentit të Shkencave Islame në lidhje me harmoninë dhe dialogun ndërfetar në Islam dhe tek shqiptarët.
Fjalën e hapjes e ka mbajtur drejtori i Qendrës së Studimeve Islame z. Atakan Derelioglu, i cili ka bërë një hyrje në lidhje me temën në fjalë, duke i uruar mirëseardhjen edhe përfaqësuesve të Komunitetit Mysliman të Shqipërisë, nënkryetarit dhe drejtorit të Kulturës dhe Dialogut Ndërfetar z. Genti Kruja.
Më pas fjalën e ka marrë nënkryetari z. Shehi, i cili ka folur për bashkëjetesën dhe mirëkuptimin ndërfetar në Islam, duke e konkretizuar me shembuj nga Kur’ani dhe Tradita Profetike e Hz. Muhamedit (a.s.).
Pastaj fjalën e ka marrë drejtori i Kulturës z. Kruja, i cili është ndalur në shembujt historik të tolerancës dhe mirëkuptimit ndërfetar mes myslimanëve dhe jomyslimanëve, e më pas ka kaluar në traditën e shkëlqyer të popullit shqiptar porsa i përket harmonisë ndërfetare.
Pas kumtesave të mbajtur, studentët kanë bërë pyetje të ndryshme ndaj referuesve, duke marrë dhe përgjigjet e tyre.
Artikuj të ngjashëm
Me shumë në këtë kategori
Aktivitete
Studime
Gjuhë-letërsi
Sociologji
1923 – 1939
1939 – 1945
Zani i Naltë (34)
