Perditësimi i fundit May 7th, 2024 7:47 AM
Mar 18, 2015 Zani i Nalte Aktivitete 0
Me rastin e 90-vjetorit të themelimit të Medresesë së Tiranës, Kreu i Shtetit shqiptar z. Bujar Nishani vlerësoi sot paradite në një ceremoni solemne Medresenë e Tiranës me Titullin “Për merita të veçanta civile” me motivacion: “Si një shkollë e arsimit fetar në Shqipëri, e cila duke u bërë pjesë e arsimit tonë, përgatiti për disa dhjetëvjeçarë në një nivel të lartë një plejadë teologësh myslimanë, të cilët luajtën një rol parësor në ripërtëritjen e moralit tonë kombëtar”.
Të pranishëm, në këtë ceremoni ishin Kryetari i KMSH-së, z. Skender Bruçaj, drejtues të Komunitetit Mysliman të Shqipërisë dhe të medreseve të vendit tonë, Kryetari i Nderit i KMSH-së, H. Selim Muça, rektori i Universitetit Bedër, Dr. Ferdinand Gjana, mësues dhe ish-nxënës të Medresesë, sot myftinj në disa rrethe, si dhe ish-drejtorë të Medresesë së Tiranës.
Në këtë ceremoni Presidenti Nishani vlerësoi lart Medresenë e Tiranës dhe sistemin arsimor të Komunitetit Mysliman të Shqipërisë, duke theksuar se, “Dekorata e lartë që unë në cilësinë e Presidentit të Republikës po i akordoj kësaj shkolle është ndoshta një nderim i vonuar shtetëror dhe institucional ndaj kësaj vatre të arsimit shqiptar të shekullit XX. Ishte pikërisht kjo shkollë e mesme, e fesë islame e ngritur në Tiranë, e cila duke u bërë pjesë e arsimit tonë kombëtar përgatiti për katër dhjetëvjeçarë të plotë në periudhën 1924-1964 në një nivel të lartë ndërkombëtarë një plejadë teologësh myslimanë, të cilët luajtën një rol parësor në ripërtëritjen e moralit tonë kombëtar.”
“Sot, Medreseja e Tiranës dhe të gjitha simotrat e saj në Shqipëri po kontribuojnë që me anë të një mirëdukimi dhe arsimimi, ku gërshetohen shkencat ekzakte me vlerat e besimit, e sidomos me normat dhe parimet e Islamit, të kemi një shoqëri më të shëndetshme moralisht dhe shpirtërisht, nga të cilat do të rrezatojë paqja, mirëkuptimi dhe bashkëjetesa pa dallim race, gjinie dhe feje”, tha ndër të tjera Presidenti Nishani.
Pas fjalës së tij Presidenti Nishani i dorëzoi Titullin drejtorit të Medresesë së Tiranës z. Omer Çallësh, i cili në fjalën e tij përshëndetëse ndër të tjera u shpreh: “Më lejoni që në emër të Medresesë së Tiranës, t’Ju falënderoj përzemërsisht dhe t’Ju shpreh mirënjohjen e thellë për këtë vlerësim dhe nder të madh që Ju i bëni sot dijes, arsimit dhe sakrificës së atyre dijetarëve e arsimtarëve të shquar të Medresesë së Tiranës dhe të medresesë shqiptare. Ky vlerësim i shkëlqesisë suaj si President i Republikës mbart një simbolikë të veçantë për Medresenë dhe për frymën kombëtare dhe edukative që Medreseja vazhdon të trashëgojë ashtu si ditën e saj të parë. Ne jemi të vetëdijshëm se përparimi i shoqërisë është i lidhur ngushtë me edukimin dhe arsimimin e brezave të rinj.”
Ai shtoi më tej se kjo dekoratë përveçse është një nder i madh për medresenë, është edhe një tregues i shkëlqyer i përkujdesjes që shteti shqiptar i jep arsimit dhe edukimit të brezave. Sipas tij ky nder është një motiv dhe një përgjegjësi e re për Medresenë, për Komunitetin Mysliman dhe për gjithë arsimtarët, për të mos reshtur së punuari çdo ditë e më shumë në shërbim të përparimit të nivelit arsimor.
Ndërkohë edhe kryetari i KMSH-së z. Skender Bruçaj falënderoi Presidentin për akordimin e këtij titulli të lartë Medresesë së Tiranës, duke thënë se, Komuniteti Mysliman i Shqipërisë i kushton një rëndësi të veçantë arsimit dhe edukimit të brezave të rinj me anë të një sistemi të mirëfilltë shkollash, duke ndjekur me përkushtim mësimet e fesë sonë në gjurmët e prijësve tanë të shquar që na lanë amanet këto shkolla siç është edhe Medreseja e Tiranës.
Më pas kreu i KMSH-së i ka dhuruar Albumin “Medreseja e Tiranës, një shekull në shërbim të dijes”, botim i KMSH-së, realizuar me rastin e 90 vjetorit të themelimit të Medresesë.
17 mars 2015
Fjala e plotë e Presidentit Nishani
May 07, 2024 0
May 07, 2024 0
May 07, 2024 0
May 07, 2024 0
Apr 01, 2022 0
Sep 18, 2021 0
Jun 18, 2021 0
Jun 16, 2021 0
Apr 01, 2022 0
Departamenti i Shkencave Islame në Kolegjin Universitar Bedër në bashkëpunim me Departamentin e Teologjisë dhe Kulturës, në Kolegjin Universitar Logos dhe Institutin Katolik të...May 07, 2024 0
Ramadan Shkodra Jam së tepërmi i nderuar që kam mundësinë t’i them disa fjalë në këtë konferencë shkencore për revistën e parë islame në gjuhën shqipe, për revistën...Nov 03, 2020 0
nga Nuredin Nazarko Abstrakt Ishte pak të thuash se ishte i gëzuar. Nuk ishte i gëzuar thjesht se nuk humbi zahiretë e mbledhura me mund, por që arriti të mposhtë...Nov 30, 2022 0
nga Ledian Cikalleshi Në periudhën moderne dhe post-moderne bashkëkohore familja myslimane përballet me mjaft sfida, të cilat ia vështirësojnë jetesën e fesë me këshillat...