Perditësimi i fundit February 12th, 2024 11:51 AM
Nov 21, 2015 Zani i Nalte Aktivitete 0
Ditën e enjte, më 19 nëntor 2015 është zhvilluar një takim miqësor midis përfaqësuesve te Komunitetit Mysliman të Shqipërisë, drejtuesve të Departamentit të Shkencave Islame pranë Universitetit Bedër dhe drejtuesve të Akademisë Teologjike Ortodokse, takim ky, për të promovuar dialogun ndërfetar, nëpërmjet hapave konkret të njohjes dhe prezantimit të stafit pedagogjik të të dyja palëve.
Në vizitën e zhvilluar në Akademinë Teologjike Ortodokse, merrnin pjesë Dr. Genti Kruja, Drejtor i Kulturës dhe Dialogut Ndërfetar në Komunitetin Mysliman të Shqipërisë, Dr. Atakan Derelioglu, Përgjegjës i Departamentit të Shkencave Islame në Universitetin Bedër, z. Adil Kutlu, zv/përgjegjës i Departamentit të Shkencave Islame, si dhe z. Hysni Skura, sekretar i Qendrës për Studime Islame në Universitetin Bedër.
Në këtë takim ata janë pritur nga Dekani i Akademisë Teologjike “Ngjallja e Krishtit”, Hirësi Nikolla, si dhe nga z. Vlash Plepi dhe z. Thoma Shkira, anëtarë të stafit pedagogjik të Akademisë.
Gjatë takimit dhe bisedimeve në një nga ambientet e Akademisë Teologjike, të dyja palët kanë prezantuar programin mësimorë, që zhvillohet në departamentet përkatëse, mësimet dhe leksionet që japin, duke u njohur kështu më mirë në aspektin arsimor dhe atë të literaturës të teologjisë Islame dhe asaj Ortodokse. Palët biseduan gjithashtu edhe mbi tema të ndryshme të bashkëpunimit në kuadër të dialogut ndërfetar midis institucioneve, sidomos në fushën akademike.
Drejtori i Kulturës në KMSH, Dr. Genti Kruja, i ka dhuruar dekanit të Akademisë Teologjike Ortodokse Hirësi Nikollës, botimet e Komunitetit Mysliman të Shqipërisë, duke e njohur me literaturën e botuar kryesisht kohët e fundit nga KMSH.
Gjatë takimit të ftuarit kanë vizituar auditorët e Akademisë Teologjike “Ngjallja e Krishtit”, sallën e konferencave, bibliotekën dhe kompleksin e Manastirit të Shën Vlashit.
Të dyja palët e kanë vlerësuar si mjaft të frytshëm këtë takim, duke e cilësuar si një ndër hapat e parë të kalimit nga dialogu teorik në atë praktik, pikërisht nëpërmjet takimit dhe njohjes sa më mirë të njëri-tjetrit.
Feb 12, 2024 0
Feb 12, 2024 0
Feb 12, 2024 0
Feb 12, 2024 0
Apr 01, 2022 0
Sep 18, 2021 0
Jun 18, 2021 0
Jun 16, 2021 0
Apr 01, 2022 0
Departamenti i Shkencave Islame në Kolegjin Universitar Bedër në bashkëpunim me Departamentin e Teologjisë dhe Kulturës, në Kolegjin Universitar Logos dhe Institutin Katolik të...Feb 01, 2024 0
nga Dorian Demetja Komuniteti i myslimanëve shqiptarë ka hyrë në vitin jubilar të 100 vjetorit të themelimit të Medresesë së Tiranës, e cila qysh nga fillimi dhe deri në ditët e...Nov 03, 2020 0
nga Nuredin Nazarko Abstrakt Ishte pak të thuash se ishte i gëzuar. Nuk ishte i gëzuar thjesht se nuk humbi zahiretë e mbledhura me mund, por që arriti të mposhtë...Nov 30, 2022 0
nga Ledian Cikalleshi Në periudhën moderne dhe post-moderne bashkëkohore familja myslimane përballet me mjaft sfida, të cilat ia vështirësojnë jetesën e fesë me këshillat...