Reflektime nga të dhënat demografike për popullsinë myslimane në botë

Sep 22, 2022 Zani i Nalte Studime 0

nga Ilir Akshija, Qendra Spitalore Universitare “Nënë Tereza” Tiranë, Shërbimi i Statistikës

Abstrakt

Të dhënat demografike janë thelbësore për shoqëritë islame. Origjina e censeve në Islam e ka fillesën në vitin e parë të Kalendarit Hixhri me urdhëresën e Profetit a.s. Numri i njerëzve që popullojnë aktualisht tokën është i krahasueshëm me numrin e supozuar të të gjithë myslimanëve që ndonjëherë kanë jetuar në tokë përbën një fakt së paku interesant. Duke mos u futur në interpretime shpirtërore, që është kompetencë e tjetërkujt, mund të arrijmë në disa përfundime të bazuara në “të dhëna gjysmë-shkencore” në përafrim të këtij numri. Llogaritjet tregojnë se nga 107 miliard njerëz që kanë jetuar mbi tokë, 7,269,215,000 (6.8%) kanë lindur myslimanë. Përpunimi i mëtejshëm i të dhënave të paraqitura në mënyrë grafike tregojnë proporcionin e numrit të myslimanëve, që kanë jetuar deri në atë moment në kohë, me numrin e popullatës njerëzore të gjallë në atë kohë, që tregojnë disa pika thyerje me interes. Të gjitha të dhënat dhe konkluzionet duhen konsideruar me kujdes për arsye të burimeve të pasigurta të informacionit.

Hyrje

Një nga suret e Kur’anit, i dha Profetit a.s. dhe komunitetit të tij lajmin e mirë të një fitoreje të madhe siç ishte çlirimi i Mekës dhe lajmin e përqafimit të Islamit nga njerëzit ‘turma-turma’.

Me emrin e Allahut, të Gjithëmëshirshmit, Mëshirëplotit!

Kur të vijë ndihma e Allahut dhe çlirimi (ngadhënjimi),

dhe t’i shohësh njerëzit, që po hyjnë turma-turma në fenë e Allahut,
ti, atëherë, lartësoje Zotin tënd duke falënderuar dhe kërko nga Ai falje. Ai vërtet e pranon shumë pendimin, është Mëshirues i madh.[1]

Një pyetje me vlerë praktike do të ishte rreth numrit të popullatës myslimane, që aktualisht jeton në tokë, dhe të tjera të dhëna demografike. Një pyetje tjetër mund të bëhej rreth “numrit të të gjithë myslimanëve që kanë jetuar ndonjëherë në tokë” ose “në çfarë proporcioni janë këta numra me njerëzit e tjerë që nuk i përkasin Islamit”. Ndërsa kërkesat rreth demografisë janë të pranishme që nga koha e Pofetit a.s., i cili urdhëroi edhe zhvillimin e një censi në vitin e parë të kalendarit islam, pyetjet e tjera mbeten interesante por me një vlerë “gjysmë-shkencore”.[2]

Këto të dhëna nuk kanë ndonjë vlerë në lidhje me komunitetet e tjera fetare për aq kohë sa vlerat më të larta njerëzore garantojnë bashkë-ekzistencën dhe tolerancën, ndërkohë që ato mund të jenë të rëndësishme në lidhje me aspekte praktike, si planifikimi dhe parashikimi i burimeve njerëzore.

METODA DHE MATERIALI

Ideja a kësaj llogaritjeje vjen si rezultat i llogaritjeve të ngjashme në lidhje me popullatën njerëzore në tokë duke shkuar pas deri në vitin 50,000 (CE), megjithëse këto janë të bazuara në të dhëna të pasigurta që lidhen me kohën e vërtetë të ekzistimit të njeriut në tokë, numrin e lindjeve dhe vdekjeve, si dhe të tjera të dhëna të gabuara.

Të dhënat që lidhen me numrin e myslimanëve janë marrë nga burime demografike shkencore, ndërsa të dhënat si “lindje për 1.000” janë adoptuar nga një studim që vlerëson të gjithë popullatën njerëzore, jo vetëm myslimanët. Metoda e llogaritjeve është bazuar në metodën e ofruar për të gjithë popullatën njerëzore, me përjashtim të rastit kur të dhënat rreth popullatës për vitet që shërbejnë si pikë referimi ne kemi përdorur mesataren e limitit të poshtëm dhe të sipërm të klasës për popullatën.

Paraqitjet grafike për çdo gjetje në tabelë janë treguar në formë diagramesh.

REZULTATE

Rezultatet janë fokusuar në dy elemente kryesore për tu llogaritur, numrin e supozuar të të gjithë myslimanëve, që ndonjëherë kanë jetuar në tokë, dhe proporcionin e tyre ndaj njerëzve të tjerë që jetojnë.

Tabela. 1 Numri i përgjithshëm i myslimanëve që kanë jetuar ndonjëherë në tokë

* Lindje që nga data paraardhëse, tregon numrin e lindjeve bazuar në ‘numrin e lindjeve për 1,000’ dhe mesatares së popullatës së vitit përkatës dhe vitit paraardhës, e llogaritur për diferencën e viteve.

** Kumulative, mbledh numrat e lindjeve të të gjithë klasave të mëparshme me klasën ku jemi.

Figura. 1 Numri i të gjithë myslimanëve që kanë jetuar ndonjëherë në tokë krahasuar me numrin e njerëzve të të gjithë njerëzve të tjerë.

Tabela. 2 Krahasimi ndërmjet numrit të të gjithë njerëzve të gjallë në një moment të caktuar kohor dhe numrit të supozuar të myslimanëve, që kanë jetuar ndonjëherë deri në atë moment në kohë.

* Numri i supozuar i të gjithë njerëzve që kanë jetuar në atë moment në kohë përveç myslimanëve.

** Numri i njerëzve të etiketuar si të lindur myslimanë (umeti i profetit Muhamed a.s.). Të tjerë njerëz konsiderohen si myslimanë nga Kur’ani por janë lënë jashtë kësaj llogaritje. “Ibrahimi nuk ka qenë, as jehudi, as i krishterë, por ai ishte larg besimeve të kota, ishte mysliman dhe nuk ishte prej idhujtarëve.”

*** Qelizat e ngjyrosura tregojnë se shifrat e popullatës myslimane janë marrë nga një burim informacioni që i referohet (Tabela 1) vlerës së vitit më të afërt të disponueshëm.

Figura. 2 Krahasim ndërmjet numrit të njerëzve të tjerë, në momentin kohor, me numrin e supozuar të të gjithë myslimanëve deri në atë moment

DISKUTIMI

Ndërsa popullsia e tokës po troket 7.9 miliard (2021) këto llogaritje tregojnë disa vlerësime rreth popullatës myslimane, që ndonjëherë ka jetuar në tokë. Numri 7,269,215,000, vlerësim i vitit 2010, është një vlerësim i numrit të përgjithshëm të myslimanëve, që ndonjëherë kanë jetuar në tokë (bëhet fjalë për umetin e Muhamedit a.s.). Grafiku (Figura 1) tregon proporcionin e popullatës myslimane që ndonjëherë ka jetuar në tokë (rrethi i vogël me figurën e Qabes) ndaj numrit total të njerëzve që kanë jetuar në tokë (rrethi i madh me figurën e hartës së botës). Sipas këtyre llogaritjeve 6.8% e të gjithë njerëzve, që kanë jetuar në tokë, janë myslimanë. Të tjerë myslimanë kanë jetuar në tokë por këto të dhëna tregojnë vetëm umetin e Muhamedit a.s. Një nga faktet më interesante ishte krahasimi i numrit të të gjithë myslimanëve, që kanë jetuar në një moment të caktuar në kohë, me numrin e të gjithë njerëzve që kishin jetuar deri në atë moment në kohë. Paraqitjet grafike tregojnë disa pika thyerje në kohë, që mund të shërbejnë për të orientuar kërkimet në mënyrën e zgjerimit të Islamit, për shembull, mund të analizohet nëse rritja ka ardhur si rezultat i konvertimit apo nga numri i rritur i lindjeve dhe rënia e vdekshmërisë, veçanërisht vdekshmëria infantile.

KONKLUZIONE

Në këtë botë dhe tjetrën numrat kanë rëndësi. Rezultatet e prezantuara mund të konsiderohet si “gjysmë-shkencore”, ashtu edhe siç shkruan vetë autori i punimit origjinal, të cilit i jemi referuar. Në fund kemi llogaritur, me kusht që numri i njerëzve të jetë kriteri i mbartjes së dijes, kusht teorik dhe jo i vlefshëm, por i përdorur vetëm për arsye demonstrimi, që ne në vitin 2010 duhet të kishim;

144 persona si Imam Abu Hanifa (699 – 767 CE / 80 – 148 AH),

144 persona si Imam Malik ibn Anas (733 – 795 CE / 114 – 178 AH),

144 persona si Imam Al-Shafi‘i (767 – 820 CE / 149 – 204 AH),

144 persona si Imam Ahmad ibn Hanbal (780 – 855 CE / 163 – 240 AH),

144 persona si Muhammad al-Bukhari (810 – 870 CE / 194 – 256 AH),

144 persona si Muslim ibn al-Hajjaj (815 – 875 CE / 199 – 261 AH),

69 persona si Al-Qushayri (986 – 1072 CE / 375 – 464 AH),

50 persona si Imam Al-Ghazali (1058 – 1111 CE / 448 – 504 AH),

36 persona si Ibn Arabi (1165 – 1240 CE / 560 – 638 AH),

36 persona si Jalal ad-Din Muhammad Rumī (1207 – 1273 CE / 603 – 671 AH),

31 persona si Ibn Qayyim al-Jawziyya (1292 – 1350 CE / 691 – 751 AH).

Ebu Hurejra r.a. tregon: Kam dëgjuar të Dërguarin e Allahut a.s. se ka thënë: “Nga pasuesit e mi do të hyjnë në Xhenet (pa u marrë në llogari) një grup prej shtatëdhjetë mijë vetësh, fytyrat e të cilëve do të shkëlqejnë si hëna në një natë me hënë të plotë”. Kur dëgjoi këtë ‘Ukashe bin Mihsan El-Esedij u ngrit, duke ngritur çarçafin që e mbulonte, dhe tha: O i Dërguari i Allahut! Lutju Allahut që Ai të më bëjë prej tyre. Profeti a.s. tha: “O Allah, bëje atë njërin prej tyre.” Një burrë tjetër nga Ensarët u ngrit dhe tha: O i Dërguari i Allahut! Lutu Allahut që Ai të më bëjë prej tyre. Profeti a.s. i tha, “Ta kaloi ‘Ukashe.”[5]

Referimi i rezultateve të këtij studimi duhet bërë në mënyrë shumë të kujdesshme pёr arsye se të dhënat mund të mbartin gabime që vijnë nga burimet e informacionit ku janë marrë, si kur flitet për numrin e lindjeve, vlerësimin e numrit të popullatës, etj. Supozimet që lidhen me rritjen konstante të popullatës mund ta nënvleftësojnë atë në periudhat e hershme, ndërsa një datë më e hershme e shfaqjes së njerëzve në tokë do ta rriste numrin.[6]

Referenca

Ahmeti Sh., KURANI I MADHËRISHËM, Kuptimet e tij në gjuhën shqipe. 2nd ed. Lies Stiftung; 2015.

The Noble Life Of The Prophet By Dr. Ali Muhammad As Sallaabee.

Ghazi bin Muhammad, Kalın I, Kamali M. War and peace in Islam. Cambridge, U.K.: Islamic Texts Society; 2013.

Science L. The Dead Outnumber the Living (Infographic) [Internet]. Live Science. 2018 [cited 6 February 2018]. Available from: https://www.livescience.com/18336-human-population-dead-living-infographic.html

Bukhâri M Khan M. The translation of the meanings of Sahîh Al-Bukhâri. Volume 8. Riyadh, Saudi Arabia: Dar-us-Salam,; 1997.

Haub C. How many people have ever lived on earth? Population Today. 1995 Feb 1; 23(2).

[1]. Kur’an; 110. Kuptimet e tij në gjuhën shqipe. Mbështetur në përkthimin e Sherif ef. Ahmetit.

[2]. The Noble Life Of The Prophet By Dr. Ali Muhammad As Sallaabee P. 882.

[3]. Ghazi bin Muhammad, Kalın I, Kamali M. War and peace in Islam. Cambridge, U.K.: Islamic Texts Society; 2013. 210-211.

[4]. Science L. The Dead Outnumber the Living (Infographic) [Internet]. Live Science. 2018 [cited 6 February 2018]. Available from: https://www.livescience.com/18336-human-population-dead-living-infographic.html

[5]. Bukhâri M Khan M. The translation of the meanings of Sahîh Al-Bukhâri. Volume 8. Riyadh, Saudi Arabia: Dar-us-Salam,; 1997. 294

[6]. Haub C. How many people have ever lived on earth? Population Today. 1995 Feb 1; 23(2):4-5.