Zani i Naltë – KMSH-Departamenti i Shkencave Islame Bedër, promovojnë dy libra në Seminarin VIII “Kur Librat flasin”

KMSH-Departamenti i Shkencave Islame Bedër, promovojnë dy libra në Seminarin VIII “Kur Librat flasin”

Feb 01, 2019 Zani i Nalte Aktivitete 0

Departamenti i Shkencave Islame në bashkëpunim me Drejtorinë e Kulturës në Komunitetin Mysliman të Shqipërisë dhe Klubin Studentor “Mesazhi i Jetës”, në kuadër të vazhdimit të ciklit të seminareve “Kur librat flasin”, zhvilluan më dt. 30.01.2019 takimin e VIII, ku u promovuan dy librave nga Botimet KMSH, “Tefsiri i Sures Fatiha” dhe “Edukimi, proces i formimit të njeriut si qenie njerëzore”, me autor z. Xhemal Balla.

Aktiviteti u çel me fjalët përshëndetëse nga Dr. Genti Kruja, Përgjegjës i Departamentit të Shkencave Islame, Prof. Asoc. Dr. Rahim Ombashi, Dekan i Fakultetit të Shkencave Humane dhe Drejtorit të Kulturës dhe Arsimit në KMSH, z. Dorian Demetja.

Në këtë aktivitet i ftuar special ishte z. Xhemal Balla, njëkohësisht dhe autor i librave, i cili dha informacion më të detajuar rreth punimeve të tij dhe bashkëpunimit të frytshëm me Komunitetin Mysliman të Shqipërisë dhe Departamentin e Shkencave Islame, Bedër.

Gjatë këtij takimi u zhvillua një bashkëbisedim i frytshëm, ku si lektorët, ashtu edhe studentët shprehën eksperiencat, mbresat dhe pyetjet e tyre drejtuar të profesorëve të pranishëm në seminar rreth veprave, që u promovuan, si dhe rreth tematikave lidhur me to.