Perditësimi i fundit September 17th, 2026 8:24 AM
Profeti Muhamed a.s mëshirë për botët
Departamenti i Shkencave Islame në KU Bedër organizoi sot panelin me titull: “Profeti Muhamed a.s, mëshirë për botët”, i cili u moderua nga pedagogu i këtij departamenti Z. Veton Tulla.
Të ftuar në këtë panel ishin nënkryetari i KMSH z. Bujar Spahiu si dhe Dr. Xhemal Saferti, pedagog në Departamentin e Shkencave Islame, të cilët mbajtën kumtesat e tyre rreth lindjes, mëshirës, mirësisë, favoreve që Allahu ju ka bërë besimtarëve me anë të dërgimit të Profetit Muhamed (a.s) ndërmjet tyre.
Nënkryetari i KMSH në fjalën e tij u shpreh: Ai (a.s) ishte flamur i faljes, mëshirës e dhembshurisë. Ndërsa Dr. Saferti do të shprehej: Ai ishte shembull për këdo që e ndjek dhe e do Atë. Sjellja dhe jeta e Tij (s.a.s) ishte shembulli më i përsosur për gjithë njerëzimin. Bazuar në këtë çdokush që e do dhe e ndjek Muhammed Mustafanë, duhet të jetë shembull ideal për shoqërinë ku ai jeton.
Dekani i Fakultetit të Shkencave Humane Prof. Asoc. Dr. Rahim Ombashi në fjalën e tij bazuar në përshkrimin e bukur që Kurani Famëlartë i bën Atij (a.s) bëri një përmbledhje të jetës së Krenarisë së Njerëzimit Muhamedit (a.s).
Në dalje u shpërndanë disa hadithe për pjesëmarrësit në këtë panel.
Artikuj të ngjashëm
Me shumë në këtë kategori
Aktivitete
Studime
Gjuhë-letërsi
Sociologji
1923 – 1939
1939 – 1945
Zani i Naltë (40)
